Палессе Івана Мележа: паездка ў Глінішча і Хойнікі да Дня беларускай пісьменнасці
5 і 6 верасня ў нашай краіне ў 33-і раз прайшоў Дзень беларускай пісьменнасці. Дзень беларускай пісьменнасці заснаваны ў 1994 годзе і традыцыйна адзначаецца ў першую нядзелю верасня.
Працаўнікі інспекцыі Міністэрства па падатках і зборах Рэспублікі Беларусь па Савецкім раёне г. Гомеля здзейснілі паездку на радзіму выдатнага беларускага пісьменніка Івана Мележа - у Хойнікі і вёску Глінішча.
Хойніцкі край неад’емна звязан з іменем Івана Мележа. Менавіта гэтыя мясціны, іх людзі, быт і прырода ляглі ў аснову яго выдатных твораў, у тым ліку трылогіі «Палеская хроніка».
Цэнтральным момантам праграмы стала наведванне дома-музея Івана Мележа ў Глінішчы. Сціплы, але напоўнены асаблівай атмасферай дом дазволіў удзельнікам дакрануцца да гісторыі: тут захаваліся сапраўдныя прадметы быту, асабістыя рэчы, фатаграфіі і рукапісы, якія дапамагаюць аднавіць карціну жыцця сям'і Мележаў і зразумець, у якім асяроддзі вырас будучы пісьменнік.
Прымеркаваная паездка да Дня пісьменнасці надала ёй асаблівы сэнс. Гэта свята нагадвае нам пра каштоўнасць роднага слова, пра сілу кнігі і пра важнасць захавання літаратурнай спадчыны.
